Maitane Ormazabal adituarekin Adopzioaren nahiz Bakearen eta Garapenaren aldeko Zientziaren Munduko Egunak izan ditugu hizketagai asteazkeneroko kolaborazioan. Adopzioaren egoerak urteek aurrera egin duten bitartean jasandako eboluzioaren inguruan hitz egiteaz gain, teknologia zientifikoak egungo gizartean duen eragina ere mahai gainean jarri dugu.
Komunikazioaren alorrean euskaraz ekoitzitako proiektu ezberdinak biltzen dituen taldea da ATI Komunikazio Taldea, 2016. urtean sortua. Bere proiektu nagusiena Ataun Irratia da, urteko 365 egunetan 24 orduz uhinetan dantzan dabilen euskarazko irratia. Sare-sozialen bidez eta www.ataunirratia.eus atariaren bitartez Ataungo herriarekin zerikusia duten zenbait berri ezagutzera ematea, irratiaren saio guztiak eskuragarri jartzea eta proiektu berrietan murgiltzea ditu egunerokotasuneko beste zeregin batzuk.
