Espainiako Trantsizio Ekologikorako ministroa den Sara Aagesenek aurkeztu berri du horri buruzko txosten teknikoa. 49 egunez lanean aritu den batzorde berezi baten ikerketen ondoren, ondorioztatu dute ez zela zibererasorik izan, baizik eta tentsioaren erregulazioan izan zen akats-kate batek eragin zuela arazoa.
Aurreikuspenak baziren, baina ez ziren bete
Txostenak adierazten duenez, Red Electrica operadoreak tentsioa egonkortzeko beharrezko gaitasuna zuten zentralak aurreikusi zituen egun horretarako. Baina hamar instalaziotatik batek ez zuen aurreikusitako funtzioa bete ahal izan, eta horren ordezkorik jarri ez zenez, sistema ezegonkortzen hasi zen. Gainerako zentralek ere desorekak izan zituzten energia erreaktiboaren xurgapenean, eta horrek tentsioaren kontrola zaildu zuen.
Kateatutako akatsek kolapsoa azkartu zuten
Itzalaldia baino minutu batzuk lehenago, tentsioan izandako bi gorabehera bereziki larriek sistema elektrikoa oreka galduz joan zen. Horren ondoren, zentral batzuek deskonektatu egin zuten, eta horrek areagotu egin zuen tentsioaren jaitsiera. Egoera kontrolaezin bihurtu zen, eta «itzulerarik gabeko puntu batera» iritsi zen sistema, Aagesenen hitzetan.
Premiazko neurriak iragarri ditu Gobernuak
Huts teknikoak berriro gertatu ez daitezen, Espainiako Gobernuak neurri sorta bat aurkeztuko du datozen egunetan Errege Lege Dekretu baten bidez. Hauek izango dira nagusiki:
- Tentsioaren gainbegiratzea eta kontrol-sistemak sendotzea.
- Garraio-sarearen berrikuspen sakona egitea.
- Energia berriztagarriak sistema elektrikoaren egonkortasunean integratzea.
- Konpentsatzaile sinkrono berriak gehitzea eta energia metatzea.
Zibersegurtasuna ere indartuko dute
Nahiz eta itzalaldi hura ez zen zibereraso baten ondorio izan, Espainiako Gobernuak aukera baliatu nahi du Europako segurtasun-araudiak azkarrago ezartzeko, azpiegitura kritikoak hobeto babesteko. «Badugu oinarri sendo eta kontrastatua gure jarduna bideratzeko», adierazi du ministroak.
