Aste honetako saioan ere gonbidatu ezin-hobe baten bisita jasotzeko aukera izan dugu ‘Nahikoa da’ saioan Gorka Santesteban kolaboratzailearen tartean. Gero eta gehiago gustatzen zaizkigu literatura kontuak aipatzea gurean eta oraingo honetan Zumarragan jaio, baina gaur egun Madrilen bizi den idazle gazte batekin aritu gara kontu-kontari bera eta bere lanak gertuagotik ezagutzeko.
Jon Cadierno da bera eta bere bizitzaren inguruko zenbait gertakizun eman dizkigu goiz honetan ezagutzera Ataun Irratiaren mikroen aurrean eta oso gustura egon gara gainera berarekin solasean. Ezagutzera eman duen lan honek badu zerbait berezia berarentzat eta Gorka Santestebanek berak ere irakurri duenez, erabat gomendagarria dela baieztatu digu.
