Koloreek gure irudiarekiko duten eragina ez da edertasun kontu hutsa. Ondo aukeratutako kolore batek aurpegia argitu, begiak nabarmendu eta gure itxura biziago bihur dezake. Horretan laguntzen du kolorimetriak, koloreak nola hautematen ditugun eta gure ezaugarriek nola eragiten duten aztertzen duen diziplinak.
Lau urtaro, lau estilo estetiko
Kolorimetriak “lau urtaroen teoria” deiturikoa erabiltzen du pertsona bakoitzari kolore egokienak zehazteko. Azalaren, begien eta ilearen kolorearen arabera, udaberri, uda, udazken edo negu profil batean sailkatzen gaitu, eta profil horren arabera kolore paleta bat gomendatzen da.
- Negu profila dutenek kontraste handiak dituzte (azal argia eta ile iluna, begi urdinak edo marroiak), eta kolore indartsuak ondo datozkie: beltza, urdina, morea edo zilarra.
- Udazkenekoek, berriz, tonu beroak dituzte (ile gorrixka edo gaztaina, azal olibatua), eta laranja, kanela edo berde militarrak nabarmentzen ditu euren irudia.
- Uda taldekoak kolore leun eta hotzekin dira identifikatzen (ile horixka edo grisa, azal hotz azpi-tonuarekin), eta pastel koloreak edo arrosa argia gomendatzen dira.
- Udaberrikoek freskotasuna transmititzen dute (azal distiratsua, begi berde edo urdinak, ile argi edo ezti kolorea), eta kolore biziek indarra ematen diete: horia, urdin argia, arrosa biziak…
Ez da soilik arropan aplikatzen
Janzkera egokia lortzea baino harago, kolorimetriak makillajean, ile kolorean eta baita etxeko dekorazioan ere eragina du. Zure profila ezagututa, estilo koherenteagoa lortu dezakezu arlo guztietan.
Zure irudia indartzeko tresna baliotsua
Gustuek eta modak bere lekua dute, baina kolore egokiak hautatzea tresna indartsua izan daiteke gure onena nabarmentzeko. Gainera, ez da soilik estetika kontua, baizik eta autoestimuan eta segurtasunean eragin zuzena izan dezakeen zerbait.
