Ostiral honetan ‘Arra’ izeneko antzezlana estreinatuko du Garikoitz Lariz aktore ordiziarrak 22:00etatik aurrera Herri Antzokian. Haurtzarotik abiatu, eta gaur egungo errealitate feministara bitarteko “bidaia” kontatzen du gaztelaniazko ‘Macho’, cronicas de identidad perdida antzezlanaren euskarazko bertsioan.
Emanaldirako sarrerak udal bulego eta liburutegian daude eskuragarri 10 euroren truke. Egunean bertan leihatilan eskuratzeko aukera ere egongo da.
