LURLAB landa eremuko makerspace edo laborategi digital irekiak, 6 urtetik gorakoentzako jarduera berri bat antolatu du larunbat honetarako San Gregorioko Bikario Etxeko beraien laborategian. Binilo apaingarriak egin ahal izateko tailerra egingo dute 11:00etatik 13:00etara bitarte, auto, horma zein kristaletan itsasten diren biniloak zehazki.
Norberak bere diseinua egiteko aukera edukiko du, eta Roland VersaSTUDIO GS2-24 ebaketa-plotterra erabiltzen ikasteko aukera egongo da. Informazio guztia eta izen-ematea www.lurlab.org webgunearen bitartez egin beharko da.
