Joan zen uztailaren 6an ehun urte bete zituen Lauztiazpi baserriko Maria Aierbe Aiestaranek, eta orduan, Ataungo Udalak eta Atsedentoki Jubilatuen Elkarteak omenaldi xume baina hunkigarria egin zioten: oroigarri eta lore-sorta bana oparitu zizkioten urtebetetze egunean. Haren bizitzari eta adin luze horri emandako aitorpena oraindik gogoan zutela, joan den ostiralean hil zen Maria.
Hileta elizkizuna gaur, San Martinen
Familiak otoitz bat eskatu du haren arimaren alde, eta gaur arratsaldeko 17:30ean hileta elizkizuna egingo da Ataungo San Martin Parroki Elizan. Bertan, senideek, lagunek eta herritarrek azken agurra emango diote Maria Aierberi.
