Milaka haurrek ezagutzen dute Geronimo Stilton, Saguen Uharteko kazetari eta idazle barregarri bezain beldurtia. Liburuetan, abentura ugari bizi ditu familiako lagunekin —Thea ahizpa, Benjamin iloba eta Trap lehengusua— eta beti traje berdearekin eta gorbata gorriarekin ageri da, musika klasikoa eta gazta bitxiak ditu gustuko.
Gaztetxo askorentzat, bere istorioak entretenimendu hutsa baino gehiago dira: jakin-mina piztu, balioak transmititu eta irakurtzeko zaletasuna elikatu dute.
Nork sortu zuen, ordea?
Orrietan ikus dezakegun pertsonaia maitagarri horren atzean emakume italiar bat dago: Elisabetta Dami. 1990eko hamarkadan, umeak izan ezin zituela jakin zuenean, ospitale pediatriko batean hasi zen boluntario gisa. Han ikasi zuen barre egiteak sendatzeko ahalmena zuela eta paziente txikiei ipuinak asmatzen hasi zitzaien kontatzen. Horrela sortu zen Geronimo sagua, lotsatia baina adoretsua.
Sortzailearen hitzak
Damiren beraren esanetan, «Geronimori esker milioika haurren ama bihurtu naiz. Laguntasunak eta jakin-minak, egiazaletasunak eta abentura-senak bizitzan aurrera egiten lagundu didate».
Mundu osoko fenomenoa
Lehen liburua 1997an plazaratu zuen, bere aitak sortutako argitaletxean. Handik gutxira, arrakasta etorri zen: 50 hizkuntzatan argitaratu dira istorioak, 180 milioi kopia saldu dira mundu osoan, eta Italian bakarrik 35 milioi.
Irakurle gazteen ispilu
Stiltonen abenturak ez dira soilik umorezko kontakizunak: balio moralak, jakin-mina eta adiskidetasuna oinarri dituzte, eta horregatik bihurtu da Z belaunaldi oso baten erreferente.
