Ataungo Udalak jakinarazi du silo-bolak egiteko erabiltzen den plastikoaren bilketa urtarrilaren 20an egingo dela. Bilketa hileko hirugarren astearteetan egiten da eta, ohikoa den moduan, hainbat gunetan jasoko dira hondakinak.
Plastikoak eta sokak banatuta, bezperan atera
Udalak azpimarratu du plastikoa behar bezala sailkatuta atera behar dela: alde batetik, plastiko hutsa; eta bestetik, plastikozko soka. Bi multzo horiek bereizita uztea eskatzen da, birziklatze prozesua errazteko. Horrez gain, plastikozkoak ez diren sokak edo bidoiak ez ateratzeko oharra eman dute, eta mineralen zakuak soilik zaku batean bilduz eta muturra sokatxo batez itxita onartuko dira.
Era berean, gogorarazi dute plastikoak ez direla edozein egunetan atera behar: astelehen bezperan bakarrik atera ahal izango dira bilketa egiteko puntuetan.
Bilketa-guneak Atauen
Zerbitzua honako puntu hauetan emango da:
- Otadi Zelai baserria (herrirako bidean)
- San Martin (mediku etxearen atzean)
- Suki zeharrean, Saltxeberri baserrirako bidegurutzean
- Arrateta aldean, Agerrerako bidegurutzean
- San Gregorio, Intxaustiko zubian
- Lauztierreka (Arratiñe bidegurutzean) eta Lauztiturrieta baserrian
Informazio gehiago behar duen herritarra oro, Goimenekin jar daiteke harremanetan 943 16 12 44 telefonoaren bidez, edo zuzenean Udaletxera deituz.
