Ataun Irratia musikarik gabe ez litzateke ezer izango eta gaurko honetan ere musika kontuez hitz egiten aritu gara ‘Nahikoa da’ saioan. Gipuzkoako Lezo herrira joan gara horretarako eta 20 urteko Ilargi Arrizabalaga musikari gaztea gertuagotik ezagutu eta udaberrian kaleratuko duen bere lehen diskoaren inguruan hitz egiten ari gara.
Kontatu digunez txiki-txikitatik datorkio musikarekiko zaletasuna eta antzerkiak nahiz interpretazioak ere asko lagundu izan dio orain arteko ibilbidea. Apirilaren amaieran edo maiatzean iritsiko dela zehaztu digu bere album berria beraz, baina bitartean aurrerapen kantua entzuteko aukera dugu interneteko plataformetan ‘Betirarte’ izenarekin.
