Oihana Iguaranek eta Amaiur Luluagak ostiral honetan Amaraun izeneko ikuskizuna eskainiko dute Ataunen. Bertsolaria bata eta dantzaria bestea, amatasunaren inguruko hausnarketaz ariko dira 22:00etatik aurrera Herri Antzokian. Helduei zuzenduriko ikuskizuna izango da Antzeztaun antzerki-zikloaren 11. edizioa abian jarriko duena.
Komunikazioaren alorrean euskaraz ekoitzitako proiektu ezberdinak biltzen dituen taldea da ATI Komunikazio Taldea, 2016. urtean sortua. Bere proiektu nagusiena Ataun Irratia da, urteko 365 egunetan 24 orduz uhinetan dantzan dabilen euskarazko irratia. Sare-sozialen bidez eta www.ataunirratia.eus atariaren bitartez Ataungo herriarekin zerikusia duten zenbait berri ezagutzera ematea, irratiaren saio guztiak eskuragarri jartzea eta proiektu berrietan murgiltzea ditu egunerokotasuneko beste zeregin batzuk.
