“Dantzatzen duen herria ez da inoiz hilko”, horixe irakur dezakegu Otsoak Dantza Taldeak 2023 honetan Ataungo Herri Antzokian eskainiko duen emanaldirako kartelean, letra larriz. Sare-sozialen bidez iragarri dute larunbat honetako arratsaldeko 18:00etan izango dela emanaldia, eta 17:15etik 17:45era bitarte eskuratu ahal izango direla sarrerak dohan, pertsonako gehienez ere lau eskuratzeko aukera izango delarik.
Komunikazioaren alorrean euskaraz ekoitzitako proiektu ezberdinak biltzen dituen taldea da ATI Komunikazio Taldea, 2016. urtean sortua. Bere proiektu nagusiena Ataun Irratia da, urteko 365 egunetan 24 orduz uhinetan dantzan dabilen euskarazko irratia. Sare-sozialen bidez eta www.ataunirratia.eus atariaren bitartez Ataungo herriarekin zerikusia duten zenbait berri ezagutzera ematea, irratiaren saio guztiak eskuragarri jartzea eta proiektu berrietan murgiltzea ditu egunerokotasuneko beste zeregin batzuk.
