Nekane Munduate ataundarrak zeramikarekin egiten du lan, eta bere zenbait artelanekin ‘Trashumantzia’ erakusketa osatu du Beasaingo Aterpe tabernan. Zeramikazko lanak bai, baina kolore eta bolumen ugarirekin osaturiko koadroak ere badira ikusgai. Erakusketa irekia da eta urriaren 4ra bitarte edonork izango du bisitatzeko aukera.
Komunikazioaren alorrean euskaraz ekoitzitako proiektu ezberdinak biltzen dituen taldea da ATI Komunikazio Taldea, 2016. urtean sortua. Bere proiektu nagusiena Ataun Irratia da, urteko 365 egunetan 24 orduz uhinetan dantzan dabilen euskarazko irratia. Sare-sozialen bidez eta www.ataunirratia.eus atariaren bitartez Ataungo herriarekin zerikusia duten zenbait berri ezagutzera ematea, irratiaren saio guztiak eskuragarri jartzea eta proiektu berrietan murgiltzea ditu egunerokotasuneko beste zeregin batzuk.
