Uztailaren 3tik 15era bitarte “Mendian gora” erakusketa izango da ikusgai Ataungo udaletxearen ganbaran, nahiz eta inaugurazioa hilaren 5ean, asteazkenean izango den 19:00etan Antxon Iturrizak eskainita. Astelehenetik-ostiralera 19:00etatik 20:30etara bitarte izango da erakusketa ikusteko aukera eta larunbat zein igandeetan 11:30etatik 13:00era bitarte. Orduz kanpoko bisitak egin nahi izanez gero, 635772027 telefono zenbakiarekin harremanetan jartzeko eskaera egin dute antolakuntzatik.
Komunikazioaren alorrean euskaraz ekoitzitako proiektu ezberdinak biltzen dituen taldea da ATI Komunikazio Taldea, 2016. urtean sortua. Bere proiektu nagusiena Ataun Irratia da, urteko 365 egunetan 24 orduz uhinetan dantzan dabilen euskarazko irratia. Sare-sozialen bidez eta www.ataunirratia.eus atariaren bitartez Ataungo herriarekin zerikusia duten zenbait berri ezagutzera ematea, irratiaren saio guztiak eskuragarri jartzea eta proiektu berrietan murgiltzea ditu egunerokotasuneko beste zeregin batzuk.
