Ostiral honetan hasiko dira 2024ko Arrondoko San Juan jaiak

Ostiral honetatik aurrera ospatuko dira Arrondoko San Juan jaiak, eta igandera bitarte, egitarau zabalaz gozatzeko aukera izango da beste urte batez.

Hau da 2024ko Arrondko San Juan jaietako egitaraua:

Ekainak 21, ostirala

• 18:30ean XXI. Umeen Futbolin Txapelketako izen ematea zabalduko da Baztarrikako zelaian jarriko den plazan. Dohainik izango da parte-hartzea eta 3 boletarako bi partida jokatuko da. Irabazleen artean 3 sari banatuko dira:
  1. 2 trofeo.
  2. 2 eskupilota Jone Mendizabal ile-apaindegiaren eskutik.
  3. 2 kantinplora Hazi eta Heziren eskutik.
• 20:00etatik aurrera norberak eramandako afariarekin, afari irekia egingo da karpan.
• 22:00etan XXVIII. Futbolin Txapelketa burutuko da. Bikoteko 6€ ordaindu beharko dira eta 5 boletarako partida bakarra jokatuko da. Irabazleen artean 4 sari banatuko dira:
  1. 2 trofeo eta 2 oilasko.
  2. 2 ogitarteko eta sagardo botila bat Troskaeta tabernan.
  3. Goierriko Baratzaren eskutik saski eder bat.
  4. Errotaundiko produktuak.

Ekainak 22, larunbata

• 11:00etan XVI. Mountain-bike proba egingo da Baztarrika zelaian. Parte-hartzaileen artean 3 maila bereiziko dira, eta maila bakoitzeko, lehenengo mutil eta neskari trofeoa emango zaie. Lehen hiru irabazleei ere sariak emango zaizkie. Honela bereiziko dira hiru mailak:
  1. 8 urte artekoak.
  2. 9-12 urte artekoak.
  3. 13-15 urte artekoak.
• 12:00etan Hilerri Raw Punk taldearen kontzertua eskainiko da Baztarrika zelaian.
• 16:00etan XXXIII. Mus txapelketarako izen-ematea zabalduko da Baztarrika zelaiko karpan. 4 errege eta 3 usteletara jokatuko dira partidak eta bikoteko 12€ ordaindu beharko dira. Ondorengoak izango dira irabazleen artean banatuko diren sariak:
  1. Txapelak eta 60€.
  2. Urbietan bi plater konbinatu, edaria, postrea eta kafea.
  3. Erauskin harategiko 2 txuleta bikain.
  4. Urbitarte sagardotegiko 3 sagardo botilako 2 kaxa.
• 20:00etatik aurrera norberak eramandako afariarekin, afari irekia egingo da karpan.

Ekainak 23, igandea

• 09:00etan ibilaldia antolatu dute Olatara. Lopetxeko zubitik abiatu, Beamako zelaian hamaiketakoa egin eta Loibe aldetik Arrondora jaisteko aukera izango da berriro.
• 12:00etan Umeentzako XX. Toka Txapelketarako izen ematea zabalduko da, dohainik. Irabazleen artean 3 sari banatuko dira:
  1. Txapela.
  2. Goierriko Hitzaren eskutik motxila bat.
  3. Kantinplora bat Hazi eta Heziren eskutik.
• 12:30ean XXXII. Toka Txapelketarako izen ematea zabalduko da, eta parte-hartzaile bakoitzak 3€ ordaindu beharko ditu. Irabazleen artean 3 sari banatuko dira:
  1. Txapela eta gazta bat.
  2. Lorena arrandegiko 2kg-ko ganboi bat.
  3. Sutegi tabernako produktuak.
  4. Urbitarte sagardotegiko 3 sagardo botilako kaxa bat.
• 17:00etan umeentzako jolasak izango dira Baztarrikako zelaiko karpan, eta ondoren, txokolate beroa bizkotxoarekin banatuko da.
• 20:00etan kalejira egingo da herriko soinujoleen laguntzarekin auzoan zehar.
• 20:30ean auzo afaria egingo da Baztarrikako zelaiko karpan, eta giro alaitu ahal izateko, Iban Urdangarin, Aratz Igartzabal eta Iñaki Murua bertsolariak izango dira.
• 24:00etan San Juan sua piztuko da eta suaren bueltan dantza egiteko aukera egongo da.

Antolakuntzak zehaztutako informazioaren arabera auzo afariko tiketak eskuragarri daude joan zen astetik Errotaundin, Martintxon, Troskaetan eta Urbietan.