Ataungo Haurreskolak 2025-2026 ikasturterako izen-ematea irekita izango du apirilaren 22tik maiatzaren 9ra bitarte. Aste honetan eman dute matrikulazio kanpainaren berri, eta interesa duten familiei dei egiten diete zentroa bertatik bertara ezagutzera joateko.
Ate irekien eguna, apirilaren 10ean
Matrikulazio epea hasi aurretik, ate irekien jardunaldia antolatu dute: apirilaren 10ean, 16:15ean, haurreskolako instalazioetara hurbiltzeko aukera izango dute gurasoek. Zentroko langileek harrera egingo diete bisitariei eta azalpenak emango dizkiete eguneroko jardunaz, metodologiari eta zerbitzuei buruz.
«Zatozte gu ezagutzera!» lelopean, haurreskolatik gurasoak animatu nahi iza dituzte, interesa badute, eguna aprobetxatzera. Hala ere, egunean bertan gerturatzerik ez dutenek, deitzeko edo idazteko aukera izango dute, informazioa eskatzeko.
Harremanetarako bideak
Haurreskolarekin harremanetan jartzeko bide hauek eskaintzen dira:
- Telefonoa: 943180376
- Posta elektronikoa: ataun.ataun@haurreskolak.eus
Matrikula kanpainaren baitan, egunero bizitzen dena gertutik ezagutzea da helburuetako bat, herriko haur txikien hezkuntzan konfiantza eta parte-hartzea bultzatzeko.
