Gernika-Palestina herri ekimenak deituta, beste behin ere Euskal Herriko herri eta hirietako udaletxeen aurrean mobilizazioak egingo dira datorren asteartean. Ekimenaren helburua argia da: Palestinaren aurkako genozidioa salatu eta herri palestinarraren aldeko babesa adieraztea.
Ataunen, hitzordua San Martingo plazan izango da, 19:00etan. Herritar guztiei egin diete dei ekimenean parte hartzera, «elkartasuna adieraztea eta ahotsa altxatzea behar-beharrezkoa delako une honetan», antolatzaileen esanetan.
Gernika-Palestina ekimenak azken hilabeteotan hainbat mobilizazio deitu ditu Euskal Herrian zehar, eta oraingoan ere oihartzun zabala izatea espero dute. Deialdiak herriaren konpromisoa eta nazioarteko egoeraren inguruko kezka islatzen ditu, tokiko mailan ere elkartasuna eraikitzea helburu.
