Ataungo Udalak Jentilbaratza gazteluari buruzko birsortze birtuala aurkeztu du, orain Larrate plataforman eskuragarri dagoena. Proiektuak teknologia eta historia uztartzen ditu, eta 3Dn berreraikitako ikuspegien bidez, Nafarroako Erresumak eraikitako gotorleku haren iragana hobeto ulertzeko aukera ematen du.
Historiatik 3Dra, eta hortik herritarrengana
Proiektu honen gidaritza Iñaki Sagredo Garde histor@Ataungo_Udalaialariaren esku egon da, eta bere taldearekin batera, lan zabala eta zehatza gauzatu dute. Dokumentazio historiko sendoa abiapuntu hartuta, hainbat edukitan banatutako atalak sortu dituzte: azalpen orokorrak, ikerketa historikoak, ikus-entzunezko edukiak, 3D birsortzeak eta arkeologia lanen informazioa, besteak beste.
Iragana sarean: klik bakarrean eskuragarri
Proiektuaren eduki guztiak Larrate zerbitzuaren webgunean daude ikusgai dagoeneko, eta laster Ataungo turismo webgune ofizialean ere (www.ataunturismoa.eus) izango dira eskuragarri. Herritarrek aukera izango dute, horrela, tokiko ondarearen zati bat xehetasun handiz ezagutzeko, etxetik irten gabe.
Ondarearen digitalizazioa: bide berriak zabaltzen
Gaur egungo baliabide teknologikoei esker, orain arte paperetan edo aztarnetan gordetzen zen informazioa modu bisual eta erakargarrian zabaldu daiteke. Jentilbaratzaren kasuan, helburua ez da soilik historia kontatzea, baizik eta gaztelua irudikatu, bisualki ulertu eta herritarren memoria kolektiboan kokatzea.
