Apirilaren 21eko EAEko Hauteskundeen kanpainak aurrera jarraitzen duen honetan, Ataunen egingo du igande honetan ekitaldia EH Bildu alderdi politikoak. 11:00etan Aia auzoan elkartu eta bertatik San Gregorio auzora ibilaldi bat egiteko deia egin dute, 12:00etan San Gregorio auzoko plazan egingo den mitinera bertaratu ahal izateko. Egun Gipuzkoako Batzarkide den Laida Begiristain Apaolazak hartuko du bertan hitza, Eusko Legebiltzarrerako hautagai bezala aurkezten delako apirileko hauteskundeetan.
12:45ean bertaratutako guztiekin argazki bat atera ondoren, 13:00etan, mokadutxo bat egiteko aukera izango da. Aia auzora autobusean gerturatu ahal izateko, Lurraldebusen 10:35ean San Martingo plazatik igaroko den zerbitzua erabiltzeko eskaera luzatu dute, San Gregorio auzotik 10:45ean igaroko dena.
