Urteroko irteera antolatu du Atsedentoki Ataungo Jubilatuen Elkarteak datorren urriaren 17rako. Lizarrara egingo dute aurtengoan eta egun osoan zehar ekintza ezberdinak burutuko dituzte. Honela antolatu dute eguna:
- 08:30ean abiatuko da autobusa Aia auzotik, 08:40an iritsiko da San Gregorio auzora eta 08:45ean San Martin auzora.
- 10:00etan hamaiketakoa egingo da Iratxe jatetxean.
- 11:30ean Lizarrako merkatua ikusteko aukera izango da.
- 14:00etan bazkaria eskainiko da Iratxe jatetxean: Entsalada mixta, oilaskoz beteriko ojaldrea, ganben brotxeta, lubina labean edo azpizun iberikoa plantxan eta etxeko tarta zein kafea.
- Ondoren bingoa eta dantza.
- 19:00etan izango da itzulera ordua.
Izena emateko elkartean dagoen orria bete edo batzordekideekin harremanetan jarriaz egin beharko da urriaren 10a baino lehen, eta bakoitzak 45€ ordaindu beharko ditu (bazkideek 35€, kontu-korrontetik kenduko zaizkie).
