Udako oporraldiaren ondoren, bueltan dira Atsedentoki Elkarteko osteguneroko ekintzak. Hainbat izan ziren joan zen ikasturtean burutu zituzten ekintzak, eta aurten ere, beste horrenbeste egiteko asmoa agertu dute. Irailaren 12rako iragarri dute lehena, Bingo saioa egingo dute 16:00etatik 17:15era bitarte. Elkartetik parte hartzeko deia luzatu nahi izan dute.
Komunikazioaren alorrean euskaraz ekoitzitako proiektu ezberdinak biltzen dituen taldea da ATI Komunikazio Taldea, 2016. urtean sortua. Bere proiektu nagusiena Ataun Irratia da, urteko 365 egunetan 24 orduz uhinetan dantzan dabilen euskarazko irratia. Sare-sozialen bidez eta www.ataunirratia.eus atariaren bitartez Ataungo herriarekin zerikusia duten zenbait berri ezagutzera ematea, irratiaren saio guztiak eskuragarri jartzea eta proiektu berrietan murgiltzea ditu egunerokotasuneko beste zeregin batzuk.
