Joan zen irailaren 21ean ekin zion Otsotarrak elkarteak Ataungo V. Natur Zikloari, ‘Batetik Bestera’ antzezlanarekin. Larrialdi klimatikoa, krisi ekosoziala eta biodibertsitatearen galera lantzen ari dira edizio honetan, eta horretarako solasaldiak, antzerki emanaldiak, auzo-lana eta beste zenbait jarduera antolatu dituzte. Honen guztiaren inguruko xehetasunak kontatu dizkigu larunbat honetan elkarteko Ion Fontelak.
Komunikazioaren alorrean euskaraz ekoitzitako proiektu ezberdinak biltzen dituen taldea da ATI Komunikazio Taldea, 2016. urtean sortua. Bere proiektu nagusiena Ataun Irratia da, urteko 365 egunetan 24 orduz uhinetan dantzan dabilen euskarazko irratia. Sare-sozialen bidez eta www.ataunirratia.eus atariaren bitartez Ataungo herriarekin zerikusia duten zenbait berri ezagutzera ematea, irratiaren saio guztiak eskuragarri jartzea eta proiektu berrietan murgiltzea ditu egunerokotasuneko beste zeregin batzuk.
