Joan zen ostiralean unai Alberdiri 22-19 irabazi ostean, larunbat honetan promozioko lau t’erdiko txapelketaren finala Tolosako Beotibar pilotalekuan jokatuko du Iraitz Zubizarreta pilotari ataundarrak. Julen Egiguren azpeitiarraren aurka neurtuko ditu indarrak. Bi urte igaro dira Zubizarreta txapeldunorde geratu zenetik, iaz Egiguren bera geratu baitzen.
Komunikazioaren alorrean euskaraz ekoitzitako proiektu ezberdinak biltzen dituen taldea da ATI Komunikazio Taldea, 2016. urtean sortua. Bere proiektu nagusiena Ataun Irratia da, urteko 365 egunetan 24 orduz uhinetan dantzan dabilen euskarazko irratia. Sare-sozialen bidez eta www.ataunirratia.eus atariaren bitartez Ataungo herriarekin zerikusia duten zenbait berri ezagutzera ematea, irratiaren saio guztiak eskuragarri jartzea eta proiektu berrietan murgiltzea ditu egunerokotasuneko beste zeregin batzuk.
